Një influencues i njohur në rrjet për mbajtjen e trupit në formë dhe stilin e shëndetshëm të jetesës, i cili pretendonte gjithashtu se Covid-19 nuk ekziston, ka vdekur në moshën 33-vjeçare pasi u infektua nga virusi gjatë një udhëtimi në Turqi.
Dmitriy Stuzhuk nga Ukraina kishte dalë nga spitali për t’u kuruar në shtëpi pasi rezultoi pozitiv me koronavirus. Por disa orë më vonë ai u risoll me urgjencë pas përkeqësimit të rëndë.
33-vjeçari dukej gjithmonë në formë të shkëlqyer fizike, teksa promovonte aktivitetet sportive dhe jetesën e shëndetshme. Por ish-gruaja dhe nëna e tre fëmijëve të tij, Sofia Stuzhuk, njoftoi dje vdekjen e Dmitriy duke thënë se koronavirusi kishte i shkaktuar komplikacione në zemër.
Pas infektimit fillestar Dmitriy shkruante për fansat: “Dua të ndaj me ju mënyrën sesi u sëmura .. Unë isha nga ata që besonte se Covid nuk ekziston …derisa u sëmura dhe vetë. COVID-19 nuk është një sëmundje e shkurtër! Dhe është e rëndë”
Dmitriy thotë se ishte zgjuar në Turqi me qafë të enjtur dhe vështirësi në frymëmarrje. Kur u kthye në Ukrainë u diagnostikua me Covid-19 dhe u shtrua në spital.
“Spitali ishte i mbushur me njerëz kështu që unë duhet të kurohesha në korridore”, shkruan ai më tej.
Çifti kishin tre fëmijë David, Lola and Olivia. Më i vogli është nëntë muajsh. Ata raportohet se ishin ndarë gjashtë muaj më parë prej “tradhtive, sherreve dhe stresit” por ishin bërë përsëri miqësorë së fundmi.
