Kreu i PD, Lulzim Basha, në një konferencë me gazetarët nga selia blu, tha se kriza në vend është e dyfishtë, shëndetësore dhe ekonomike.
Basha tha se bizneset po falimentojnë, teksa akuzon qeverinë se nuk bën asnjë lëvizje për të ndihmuar qytetarët.
Kreu i opozitës tha se nuk do të reshtë së përsërituri kërkesën që shteti t’u kthejë qytetarëve paratë e taksave në formën e mbështetjes që po marrin edhe qytetarët e vendeve fqinje.
Basha tha se jemi në një kolaps ekonomik, ku shumë qytetarë nuk mund të marrin medikamente në farmaci për shkak të gjendjes financiare.
Lideri i opozitës tha se arsyeja e përhapjes së koronavirusi vjen nga moskryerja në masë e testimeve. Ai kërkoi që shteti të rimbursojë qytetarët që kurohen në shtëpi.
