Futbolli në vend është i pezulluar prej 6 javësh teksa sezoni i ri ende nuk e ka ngritur siparin.
Pas disa tentativave të pa suksesshme, Liga Profesioniste dhe një grup negociatorësh të qeverisë zhvilluan një tjetër takim, i cili këtë herë pati nota pozitive, ndërsa palët ranë dakord për të gjetur një të mesme në plotësimin e 4 kushteve për Ligjin e ri të Sportit.
Deputeti, Fidel Ylli, bëri me dije se situata është drejt zgjidhjes, ndërkohë që të njëjtën gjë e mbështeti edhe Presidenti i Ligës Profesionit, Edvin Libohova.
Takimi i radhës mes palëve do të jetë më 20 tetor, ndërsa prej fillimit të javës, presidentët e klubeve të futbollit do të njihen me zhvillimet e mbledhjes dhe pritet të japin dritën jeshile për nisjen e kampionatit.
