Meteorologët kanë paralajmëruar përkeqësim të motit mbrëmjen e sotme, e cila do të shoqërohet më rrebeshe shiu, rrufe dhe erëra të forta.
Ata apelojnë që qytetarët e Tiranës, Durrësit, lezhës dhe Shkodrës të bëjnë shumë kujdes pasi priten edhe përmbytje.
Siç raportojnë mediat e rajonit, rryma ajri që vijnë nga veriu do të sjellin sasi të mëdha shiu në pjesën veriore si edhe në atë veri-perëndimore të Shqipërisë.
Fenomeni pritet të kapë kulmin gjatë pasdites dhe natës së sotme me sasi të mëdha shiu në zonat në fjalë.
Parashikohet që në këto zona të bjere 10-20 mm shi brenda orës, shoqëruar me rrufe të shumta. Gjatë ditëve që sapo kaluam, reshjet e dendura të shiut shkaktuan përmbytje lokale në Durrës.
