Superiorja ende nuk dihet kur nis, por klubet e elitës vijojnë të përballen mes tyre. Sigurisht bëhet fjalë për ndeshje miqësore dhe ditën e sotme në program është një sfidë mjaft interesante mes Teutës dhe Partizanit.
Kjo ndeshje do të zhvillohet në Durrës, prej orës 15:30, dhe trajnerët Edi Martini dhe Ilir Daja do të kenë mundësinë të shohin gjendjen e skuadrave që drejtojnë. Në fundjavë ndërkohë do të ketë edhe miqësore të tjera.
Skënderbeu do të përballet me Laçin, tjetër sfidë që tërheq, ndërsa Tirana ka zgjedhur një ekip të Kategorisë së Parë si rival.
Besa e Kavajës pritet të zbarkojë në kryeqytet dhe të përballet me kampionët. Në plan është edhe Kastrioti-Apolonia, por ende nuk është konfirmuar.
