Kryeministri Edi Rama, iu drejtua sërish me një apel qytetarëve për mbajtjen e maskave.
Pas vendimit të konfirmuar për mbajtjen e maskave edhe jashtë shtëpisë, Rama rithekson që qytetarët nuk duhet të neglizhojnë masat e vendosura për të parandaluar përhapjen e koronavirusit.
Në një postim të fundit në rrjetin social “Instagram” Kryeministri shkruan: “Ju lutem nga nesër maskat kudo jashtë shtëpisë”.
Që nga dita e enjte maskat do të jenë të detyrueshme edhe jashtë shtëpisë, vendim ky që u komunikua nga Kryeministri Edi Rama dhe gjithashtu nga Ministrja Ogerta Manastirliu, e cila sqaroi edhe rastet kur është dhe nuk është e detyrueshme mbajtja e saj.
Po ashtu u bë me dije se për personat të cilat do të identifikohen pa maskë, ndaj tyre do të vendosen edhe gjoba.
Personat që nesër do të kapen pa maskë do të gjobiten 3 mijë lekë, ndërsa nëse e përsërisin masa administrative shkon 5 mijë lekë.
