Kreu demokrat Lulzim Basha i është përgjigjur përmes një postimi në rrjetet sociale Kryeministrit Edi Rama, lidhur me ironinë e këtij të fundit, pas një lapsusi të një dite më parë nga kryedemokrati, i cili ripërsëriti 5 pikat e planit të Rimëkëmbjes.
Rama në konferencën e sotme për mediat u pyet lidhur me planin me 5 pika të paraqitur nga PD, ndërsa ironizoi kreun demokrat me lapsuset në llogaritjen e shifrave. Kryeministri iu shmang sërisht thirrjes së kreut të opozitës për të vënë në zbatim planin e Rimëkëmbjes.
Por Basha në reagimin e tij thekson se “kur vjedhja galopante, keqqeverisja, ekonomia dhe shëndetësia janë sot drama e çdo shqiptari, Kryeministri fshihet si struci pas një lapsusi”.
“Tragjike dhe me pasoja është të kesh një KM që nuk do ta t’ja dijë për 6 në 10 biznese drejt mbylljes, e 100 mijë shqiptarë që kanë humbur punën”, shprehet Basha.
