Për një diktator si Kim Jong-Un, vështirë se mund ta besosh që mund të derdhë lot.
Por ka ndodhur, lideri i Koresë së Veriut ka qarë sa i përket situatës së krijuar nga koronavirusi në vendin e tij.
Kim kërkoi ndjesë si rrallë herë për dështimin e tij për të drejtuar vendin nëpër kohë të trazuar, të përkeqësuar nga shpërthimi i koronavirusit.
Ai është filmuar duke qarë gjatë një fjalimi që po mbante në një paradë të madhe ushtarake në fundjavë për të shënuar 75-vjetorin e Partisë Popullore në pushtet.
“Edhe pse mua më është besuar përgjegjësia e rëndësishme për të udhëhequr këtë vend duke mbështetur kauzën e të mëdhenjve Kim Il-sung dhe Kim Jong-il, falë besimit të të gjithë njerëzve, përpjekjet dhe sinqeriteti im nuk kanë qenë të mjaftueshme për të çliruar njerëzit tanë nga vështirësitë në jetën e tyre”, tha diktatori.
