Eksperti i shëndetit publik, mjeku i njohur Erion Dasho, përmes një postimi në rrjetet sociale, e konsideron si masakër atë që po ndodh me mjekësinë shqiptare, ku çdo pacienti me pak kollë dhe temperaturë i përshkruhet me messenger trajtimi me 2 antibiotikë, 1 antikoagulant dhe 1 kortizonik.
Dasho shkruan se nevojitet urgjent hartimi i protokolleve që mjekët e familjes të kenë mundësi të mjekojnë dhe monitorojnë pacientët bazuar në nevojat e tyre individuale dhe jo sipas parimit “një masë u shkon të gjithëve”!!!
Postimi nga Erion Dasho
Ka disa ditë që flas për masakrën që është duke ndodhur në mjeksinë shqiptare, ku çdo pacienti me pak kollë dhe temperaturë i përshkruhet me messenger trajtimi me 2 antibiotikë, 1 antikoagulant dhe 1 kortizonik!!!
Studime serioze tregojnë se:
1. Antibiotikët e dhënë pa kriter dëmtojnë shëndetin e pacientit dhe kontribojnë në krijimin e rezistencës antimikrobike, një nga problemet më të mëdha të mjeksisë në shekullin 21.
2. Studimi i mëposhtëm i sjellë në vëmendje nga Dr. Sotiraq Senjo tregon evidencat të besueshme rreth vdekjeve të shkaktuara nga përdorimi i antikoagulantëve.
Nevojitet urgjent hartimi i protokolleve që mjekët e familjes të kenë mundësi të mjekojnë dhe monitorojnë pacientët bazuar në nevojat e tyre individuale dhe jo sipas parimit “një masë u shkon të gjithëve”!!!
Më pas nevojitet trajnimi i mjekëve, përfshirja e trajtimit anti-COVID në skemën e rimbursimit dhe kontrolli i respektimit të protokolleve për të shmangur katastrofën shëndetësore që po ndodh aktualisht!
Koha për veprim është tani!
