Blerja e re e Juventusit, Weston McKennie, ka thënë se Andrea Pirlo ende mburret me cilësitë që kishte gjatë karrierës si futbollist.
Ai deklaron se është e pamundur ta heqësh topin edhe sot, kur Pirlo luan me ta gjatë stërvitjes, nga trajneri i tij i ri.
“Kam kaluar mirë deri më tani, – tha ai për ESPN. – Pirlo ishte një nga më të mirët në pozicionin e tij. Në fakt, luante në pozicionin tim të ngjashëm aktualisht, ndaj e dija që do të mësoja shumë prej tij, duke e pasur trajner.
“Ai luan me ne ndonjëherë dhe është kaq elegant. Në të njëjtën kohë nuk mund ta marrësh topin prej këmbëve të tij. Ai e njeh më mirë se askush rolin e mesfushorit, kështu që ta kesh trajner është shumë e bukur”.
