Në prag të derbit kundër Milanit, situata e coronavirusit te Interit duket se ka dalë jashtë kontrollit.
Numri i të infektuarve rrezikon të rritet më shumë. Pas pozitivitetit të Alessandro Bastonit dhe Milan Skriniarit, rezultuan të infektuar edhe Radja Nainggolan dhe Roberto Gagliardini, që u kthyen në Pinetina pasi u larguan nga përfaqësueset respektive.
Klubi i Interit ka njoftuar zyrtarisht për një të infektuar të pestë në kampin zikaltër.
Bëhet fjalë për portierin e dytë, rumunin e datëlindjes 1997, Ionut Radu. Ankthi tek Interi rritet, gjithashtu në funksion të derbit kundër Milanit, që shënon rinisjen e kampionatit për zikaltrit.
