Në orën 20:45 do të zhvillohet takimi ndërmjet Maqedonisë së Veriut dhe Kosovës, takim ky në kuadër të gjysmëfinales së play-offit të Ligës së Kombeve.
Për Maqedoninë do të aktivizohen plotë 5 futbollistë shqiptarë, Alioski, Muslia, Ademi, Bejtullahi dhe Bardhi. Ndërkohë nga ana tjetër, Kosova edhe pse me shumë mungesa Challandes ka zgjedhur 11-shen më të mirë që ka në dispozicion.
Kujtojmë që fituesja e këtij çifti, do të përballet në finale me Gjeorgjinë, teksa kjo e fundit mundi sot 1-0 Bjellorusinë. Skuadra që do të triumfojë në finale do të presë biletën për në Europian, kompeticion që do të zhvillohet në verën e vitit 2021.
Më poshtë formacionet e të dyja skuadrave:
Kosova: Muric; Vojvoda, Kololli, Dresevic, Aliti; Berisha, Shala; Celina; Hadergjonaj, Zeneli, Nuhiu
Maqedonia Veriore; Dimitrievski; Musliu, Bejtulai, Velkoski; Nikolov, Ademi, Ristovski, Alioski; Bardhi, Pandev, Nestorovski
