Skënderbeu dhe Kastrioti janë përballur mes tyre në një miqësore, që ka përfunduar me rezultatin 2-3. Krutanët triumfuan dhe nxorën në pah edhe njëherë që për korçarët ky sezon do të jetë i vështirë.
Skuadra e drejtuar nga Julian Ahmataj shënoi e para, me sulmuesin Belajdi Pusi. Shkodrani ndëshkoi Kastriotin, por krutanët reaguan dhe i barazuan shifrat që në pjesën e parë me mesfushorin Xhulio Mehmeti.
Përmes një penalltie Kastrioti kaloi në epërsi më pas. Patrik Bardhi ishte i saktë, ndërkohë që Danaj realizoi edhe golin e tretë. Pesë minuta para fundit Skënderbeu shënoi golin e dytë, por në fund ishin krutanët ata që triumfuan në këtë miqësore.
