Komisioneri për Zgjerimin në Bashkimin Europian, Oliver Varhelyi vizitoi sot Shkupin. Pas takimit me kryeministrin e Maqedonisë së Veriut, Zoran Zaev, zyrtari i lartë bëri të qartë se “pa marrëveshje me Bullgarinë, Maqedonia nuk mund të nisë negociatat me BE-në”
“Është në interes të Bullgarisë dhe Maqedonisë së Veriut të gjejnë zgjidhje. Pa mirëkuptim në këto çështje, do të jetë shumë e vështirë të vijohet më tej. Është koha të arrihet një marrëveshj. Ne shohim angazhim dhe jemi optimistë”, tha ai.
Kryeministri Zaev tha se prioriteti i qeverisë së tij është plotesimi i kushteve për integrimin
“Raporti i Komisionit Europian publikohet në periudhën e riafirmimit të reformave dhe programit të Qeverisë. Ai paraqet mjet të shkëlqyeshëm të prioriteteve dhe planeve tona në periudhën e ardhshme”, u shpreh Zaev.
Vizita e Komisionerit të Zgjerimit në Shkup vjen vetëm një ditë pas publikimit të progres raportit të Komisionit Evropian.
