Një 51-vjeçar u arrestua nga policia e Durrësit pasi akuzohet se ka kryer veprime të turpshme me një vajzë të mitur, 8-vjeçe.
Ka qenë nëna e vajzës që ka kallëzuar në polici 51-vjeçarin ditën e djeshme. Sakaq, fëmija është marrë në pyetje në prezence të psikologut. Ndërkohë, 51-vjeçari ka mohuar akuzat.
“Specialistët për Hetimin e Krimeve në Komisariatin e Policisë Durrës arrestuan në flagrancë shtetasin A.M., 51 vjeç, banues në Durrës, pasi më datë 05.10.2020, fqinja e tij ka kallëzuar se ai ka kryer veprime të turpshme ndaj vajzës së saj të mitur 8 vjeçe. Materialet i kaluan Prokurorisë së Rrethit Gjyqësor Durrës, për veprat penale ‘Vepra të turpshme’”, njoftoi policia.
