Në studion e Eni Vasilit ishte i ftuar edhe Oerd Bylykbashi i cili u pyet se cila do të jetë lëvizja e Partisë Demokratike dhe e Opozitës së Bashkuar pas ndryshimeve Kushtetuese. Sipas Bylykbashit hera e fundit që kanë ndodhur ndryshimet ka qenë në 2008. Ai tha se sajuan dhe kandidatët e pavarur në atë kohë.
“Ai prodhoi një nga konfliktet politike më të gjatë të Shqipërisë. Dëgjova Andi Bushatin që tha se Rama po pregatit masakrën, konfliktin e madh politik. Shqiptarët presin që t’u hapet dera e Be-së, ai i vë flakën. Opozita këtë situatë nuk do e lejojë të kalojë.
Do të ketë një ndërmarrje politike këtej e tutje. Gjeja më e rëndësihme është ajo që Opozita pregatitet tani të fitojë zgjedhjet në 25 prill. Më pas taktikat e lojës dhe lufta politike janë të gjitha të hapura. Ne do të futemi në zgjedhje me çfardolloj zgjedhje. Ju kujtoj një gjë që Sali Berisha fitoi zgjedhjet edhe me Dushkun e Fatos Nanos”, tha Bylykbashi.
Po të ishit në Parlament kjo gjë nuk do të ndodhte?
Ju po thoni se Edi Rama është bandit, ndërkohë fajin e kanë të tjerët.
