Ish-ministri Ylli Manjani është përfshirë në debatin që po zhvillohet në distancë mes Kryeministrit Edi Rama dhe Presidentit Ilir Meta.
Rama duke iu drejtuar Metës e pyet se çfarë borxhi i kanë shqiptarët që ai i ngatarron, i përplas dhe i fut në ndasi.
Meta nga ana e tij i bën thirrje Ramës që të mos dëgjojë bandat dhe oligarkët.
Në mes të debatit, Manjani i kërkon “sqarime” Metës se përse ua bëri peshqesh shqiptarëve Edi Ramën për më shumë se 20 vite.
“Megjithmend Ilir, çfarë borxhi të kanë shqiptarët ty që ua bëre peshqesh Edi Ramën?! I dhe oskigjen politik sa herë i merrej fryma në PS. E bëre dhe e mbajte kryetar Bashkie 12 vjet. Pastaj e bëre dhe Kryeministër.
Tani të kërkon dhe hesap… Vërtetë, çfarë borxhi të kanë shqiptarët për këtë peshqesh…!? Por borxhet duhen larë deri me 25 prill. Nëse nuk lahen, atëhere i jemi të gjithë borxhli Edi Ramës, siç ata para nesh ishin borxhli ndaj Enver Hoxhës. Është serioze këtë herë. Posti i Presidentit nuk mjafton…”,- shkruan Manjani.
