Vijojnë replikat në distancë mes Presidentit Ilir Meta dhe Kryeministrit Edi Rama. Në përgjigje të akuzave të Ramës, Kreu i Shtetit ka publikuar në rrjetet sociale, një video, ku shfaqet Kreu i Qeverisë, 20 vite më parë, që thurrte elozhe ndaj Metës.
Në reagimin e tij, Meta shprehet se nesër është një ditë e rëndësishme për shqiptarët, ndaj të lutem mos dëgjo më bandat dhe oligarkët se nuk ja u ka parë kush hajrin!
Nesër Kuvendi pritet të miratojë ndryshimet në Kodin Zgjedhor, ndërsa Rama tha se ato do të votohen nga shumica kushtetuese, pasi pozicionet e palëve për arritjen e konsensusit janë larg.
Reagimi i Metës
Edi, faleminderit për fjalët e mira që ke thënë për mua 20 vite më parë dhe që m’i thua gjithmonë kur takohemi nga afër.
E di vetë ti!
Por nesër është një ditë e rëndësishme për shqiptarët, ndaj të lutem mos dëgjo më bandat dhe oligarkët se nuk ja u ka parë kush hajrin!
Koha për një FRYMË TË RE, për një bashkëjetesë qytetare dhe europiane, është tani!
Respekto Marrëveshjen e 5 Qershorit dhe të lutem hapi listat, për socialistët në radhë të parë dhe për të gjithë shqiptarët.
