Tedi Blushi, Zëdhënës i Presidentit të Republikës, ka reaguar ashpër ndaj një shkrimi të botuar në gazetën Tema, lidhur me dhënien e shtetësisë shqiptare të futbollistit afrikan, i cili aktivizohet me Tiranën, Winful Cobbinah.
Sipas artikullit, Meta ka shkelur ligjet, pasi futbollisti ka vetëm 2 vjet që jeton në Shqipëri.
“Nuk dihet se çfarë duhet të bëjë më shumë se sa kaq një president, që shkel ligjet dhe Kushtetutën e vendit kur dhe si të dojë, për t’u shkarkuar!
Se fjala vjen, ai mund të pajisë nësër me pasaportë shqiptare edhe terroristët fjala vjen, pasi tashmë me Metën president, s’duhet të plotësosh asnjë kriter për të marrë nënshetësinë shqiptare”, thuhet në artikull.
Ndërkohë, Blushi në reagimin e tij, shprehet se klasifikimi i ekipit të futbollit KF Tirana si grup terrorist, nga gazeta “Tema”, është një tjetër tregues i degradimit dhe urrejtjes të madhe që Rilindja ka ndaj çdo vlere kombëtare, një provokim banal dhe fyerje thellësisht e ulët, jo vetëm për lojtarët dhe tifozët e mrekullueshëm të këtij ekipi, por për të gjithë komunitetin e nderuar të tironasve.
“Nuk është rastësi që aktiviteti sportiv i KF Tirana, ngatërrohet me atë terrorist, fill pas shpalljes së bojkotit të futbollistëve, pasi kjo gazetë, paradhomë e tualetit të Rilindjes, çdo mendim ndryshe nga Sekti, e klasifikon terrorizëm në kuadër edhe të tmerrit që ndjen nga humbja e afërt e të gjithë privilegjeve dhe kontrollit mbi Bashkinë e Këlcyrës dhe më gjerë.
Sa për akuzat mbi ligjshmërinë e dhënies së shtetësisë shqiptare për një futbollist të këtij ekipi, janë fund e krye të Mjera, (mjafton të lexosh me kujdes ligjin “Për shtetësinë”), pothuajse të përafërta me nivelin e akuzave të po kësaj gazete, dikur, për atësinë e djalit të KM në detyrë”, shkruan Blushi.
