Një 57-vjeçar është arrestuar nga policia mëngjesin e sotëm, ndërsa është shpallur në kërkim i biri. Personat në fjalë, akuzohen për ‘plagosje e rëndë me dashje’.
Burime nga policia raportojnë se V.A., 57 vjeç dhe E.A., 22 vjeç, në bashkëpunim me njëri-tjetrin kanë goditur me sende të forta F.B., dhe A.B., pas një sherri për motive të dobëta.
Këta dy te fundit, ndodhen në spital ku po marrin ndihmë mjekësore, ndërsa gjendja e tyre raportohet jashtë rrezikut për jetën.
Njoftimi i Policisë:
Arrestohet në flagrancë një 57-vjeçar dhe shpallet në kërkim një tjetër, për veprën penale “Plagosje e rëndë me dashje”
Specialistët për Hetimin e Krimeve në Komisariatin e Policisë Krujë, arrestuan në flagrancë shtetasin V.A., 57 vjeç, si dhe u bë shpallja në kërkim për djalin e tij, shtetasin E.A., 22 vjeç, banues në Krujë.
Këta shtetas dyshohet se pas një konflikti të çastit, në bashkëpunim me njëri tjetrin kanë goditur me një send të fortë, në pjesë të ndryshme të trupit shtetasit F.B., 53 vjeç dhe A.B. 22 vjeç, të cilët ndodhen në spital nën kujdesin e mjekëve.
Materialet i kaluan Prokurorisë së Rrethit Gjyqësor Krujë, për veprime të mëtejshme.
