Një studim i ri publikuar së fundmi, ka nxjerrë në pah një tjetër simptomë të Covid-19, që shfaqet te të moshuarit. Konfuzioni, sjellja e çuditshme, e folura përçartë, janë disa shenja paralajmëruese për koronavirusin.
Ende nuk është e qartë, pse të moshuarit shfaqin këtë simptomë. Studimi është një thirrje për të qenë më të kujdesshëm dhe të vëmendshëm ndaj sjelljes së të moshuarve.
Në këtë studim të King’s College në Londër, u analizuan të dhënat nga më shumë se 800 njerëz mbi moshën 65 vjeç.
322 pacientë në spital ishin tashmë infektuar me Covid-19 dhe 535 njerëz përdornin aplikacionin ‘Studimi i Simptomave Covid’ për të regjistruar simptomat që mund të shfaqnin.
Studiuesit zbuluan se të moshuarit në spital të cilët ishin të dobët mendërisht kishin më shumë të ngjarë të kishin ‘sjelljen e çrregullt’ një nga simptomat e tyre, krahasuar me njerëzit e së njëjtës moshë që nuk ishin të dobët.
Një në pesë pacientë në spital me Covid, konfuzioni ishte simptoma e tyre e vetme.
‘Ndryshimet në gjendjen mendore’
Ndër të moshuarit mbi 65 vjeç që përdorin aplikacionin, konfuzioni ishte gjithashtu më i zakonshëm te njerëzit e brishtë me Covid-19 krahasuar me njerëzit më të fortë të së njëjtës moshë me infeksionin.
Lodhja dhe vështirësia në frymëmarrje ishin gjithashtu simptoma të zakonshme te pacientët e dobët që po përdornin aplikacionin.
Dhe një e treta e përdoruesve të aplikacioneve thanë se kishin përjetuar konfuzion dhe nuk kishin simptomat tashmë të zakonshme, ethe dhe kollë.
“Njerëzit e moshuar dhe të dobët janë më të rrezikuar nga Covid-19 dhe rezultatet tona tregojnë se konfuzioni është një simptomë kryesore në këtë grup,” tha Dr Rose Penfold nga King’s College London.
Studimi i ri zbulon një tjetër simptomë të koronavirusit
“Mjekët dhe kujdestarët duhet të kujdesen për çdo ndryshim në gjendjen mendore te njerëzit e moshuar, të tilla si konfuzion ose sjellje të çuditshme, dhe të jenë vigjilentë për faktin se kjo mund të jetë një shenjë e hershme e infeksionit me koronavirus.”
Tre simptomat kryesore të një infeksioni Covid janë kollë e thatë dhe e vazhdueshme, temperaturë mbi 37.8 dhe humbja e shijes, informon dritare.net. Rreth 85% e njerëzve kanë të paktën një nga këto simptoma. Sidoqoftë, grupmosha të caktuara mund të kenë edhe simptoma të tjera, të tilla si diarreja dhe të vjellat që kryesisht shfaqen te fëmijët.
