Lulzim Rubjeca, 41 vjeç, po përballet me drejtësinë, 21 vite pasi dyshohet se vrau një bashkëkombasin e tij. Ai akuzohet për vrasjen e shtetasit Bajram Muça, ngjarje e ndodhur më 4 shtator 1999.
Krimi ka ndodhur në një tunel në një fshat në qytetin e Kiarit.
Një grup djemsh shqiptarë pa letra dhe strehim, kishin gjetur këtë tunel për të qëndruar. Shumë shpejt pranë tyre afrohet një grup tjetër shqiptarësh.
I gjithë pretendimi sipas dinamikës së ngjarjes, lindi për një orë dhe 100 mijë lireta.
‘Duhet të na i ktheni përsëri’, ishte fillesa e sherrit, e cila precipitoi në goditje dhe dhunë. Ata ndaluan vetëm kur njëri prej kundërshtarëve gjendej në tokë i pajetë.
Ai ishte Bajram Muça, atë kohë 20 vjeç.
Rubjeca u arrestua në vitin 2006 në Shqipëri me një urdhër arresti ndërkombëtar.
Por autopsia e parë e viktimës foli për një meningit që mund të ketë shkaktuar vdekjen, çka çoi në pezullimin e çështjes për dy vite.
Por këtu fillon një tjetër proces mjeko-ligjor, që përcakton se viktima nuk kishte vdekur nga meningitis, por nga lëndimet që pësoi nga dhuna dhe hematomave të rënda që kishte në kokë.
