Gjykata e Shkallës së Parë Vlorë ka dhënë sot vendimin për vrasjen makabre të kamarierit Denis Vyshka dy vite më parë në Dhërmi.
Gjykata dënoi me burgim të përjetshëm Altin Ymerin dhe Ersi Ziflajn, si edhe me 35 vjet burg Miklovan Zymerin, kuzhinierin e lokalit që i ndihmoi dy pronarët të kryenin masakrimin e të riut në gusht të vitit 2014.
Vendimi u dha sot nga gjyqtari Laurent Fuçia. Pronarët e lokalit në Dhërmi e torturuan kamerierin duke i fikur cigaret e ndezura në trup pasi e akuzuan atë se kishte vjedhur 500 mijë lekë të vjetra nga xhiroja e lokalit.
Vyshkaj ishte i punësuar nga Ervis Zylfaj dhe Altin Imeraj si kamarier në lokalin “Shija e Detit.”
Nga hetimet e kryera, sipas policisë, ka rezultuar se ata kanë ushtruar dhunë ndaj viktimës me pretendimin se u kishte përvetësuar një shumë parash prej 500 000 lekësh të reja, që i përkisnin autorëve.
Mbasi kanë ushtruar dhune deri në vdekje të viktimës në ambientet e lokalit, Miklovan Zymeraj, e ka transportuar trupin e Vyshkajt me një automjet “Ford Fokus” me portobagazh deri në 300 m larg lokalit dhe e ka hedhur.
