Ish-kryeminsitri Sali Berisha ka qenë i ftuar në Tempora, ku ka folur për akuzat e pasardhësit të tij në qeveri, i cili shpesh për keqqeverisjen përdor alibinë ‘Fajin e ka Saliu’.
Berisha tha se ajo që vihet re në këto 8 vite është modeli më i keq i qeverisjes në këto 30 vite pluralizëm.
‘Në fakt ka një dallim themelor midis njeriut të qytetetëruar dhe njeriut që ska arritur ende në stadin e qytetërimit. Njeriu i qytetëruar merr përgjegjësinë, i qëndron dhe punon për përgjegjësinë. Ndërsa njeriu që ska arritur në stadin e qytetaërimit, për defiçite elementare të formimit apo çrregullime të renda psiqike për atë përgjegjësia nuk ekziston, ai është i pagabueshëm, çdo gjë që i ndodh atij i ndodh për shkak të të tjerëve, por historia 8 vjeçare e qeverisjes së tij është sot si historia më dramatike e 30 viteve të fundit për Shipërinë dhe shqiptarët. Ai zbatoi me përpikmëri praktikën e Vaso Çubilloviçit atë të largimit të shqiptarëve nga Shqipëria’, tha Berisha.
