Kryeministri Edi Rama tha se shumë shpejt do të nisë ndërtimi i aeoportit të Kukësit.
Ai deklaroi se kuksianët nga Londra, që janë tallur me aeroportin, shumë shpejt do zbresin nga Londra në Kukës për të votuar PD.
“Nëse një forcë maxhore nuk do ndërhyjë, kuksianët nga Londra që janë tallur dhe na kanë përqeshur pafund për aeroportin do i marr nga Londra dhe do i ul në Kukës të votojnë PD”, tha Rama.
Gjatë konferencës për mediat, Rama ka folur edhe për zërat mbi një marrëveshje me Greqinë lidhur me çështjen e detit.
Rama tha se deti nuk po e merr askush duke ironizuar kundërshtarët e tij politik se po e mbrojnë atdheun me kanoe.
“Kam një kolegun tuaj këtu që më thotë, shiko atdheun se po ta merr armiku. Ke Lulin, Saliun dhe Monikën me kanoe. Dil edhe ti. Mbroni ujërat e Shqipërisë nga armiqtë imagjinarë”, tha Rama.
