Dimri në Itali duket se ka mbërritur heret. Erëra të forta, shira të dendur dhe dëbora e pazakontë kanë qenë prezent në pjesën më të madhe të ditës duke ndikuar në zonën qendrore dhe jugore të vendit.
Disa zona janë evakuuar, pasi ka patur rrëshqitje masive të dherave.
Mbrojtja Civile ka parashikuar reshje të shumta, madje të shoqëruara me breshër, rrufe dhe erëra të forta, në Emilia-Romagna dhe Veneto. Stuhi priten gjithashtu në Abruzzo, Molise, Friuli Venezia Giulia, Veneto dhe Emilia-Romagna.
Nga orët e para të mëngjesit të së hënës, reshjet pritet të prekin Sardenjën, Lazion e Jugut, Campania, Bazilikata dhe Kalabri. Ndërkohë, disa zona janë zbardhur edhe nga bora, e pazakontë për këtë stinë.
