Shtatë anëtarë të një familjeje shqiptare janë hedhur nga kati i dytë për t’i shpëtuar flakëve. Ngjarja ka ndodhur mbrëmë në Rimini të Italisë.
Mësohet se flakët kanë shpërthyer fillimisht në një zyrë në katin e parë dhe më pas është përhapur në të gjithë godinën. Në banesë ishin prindërit dhe 4 fëmijët, si dhe xhaxhai.
Nëna 31 vjeçe dhe një fëmijë 7 vjeç janë dërguar menjëherë në spital për të dhënë ndihmën e shpejtë. Burri, 40 vjeç dhe dy fëmijët, 8 dhe 4 vjeç si dhe një fëmijë vetëm 3 muajsh kanë lëndime të konsiderueshme. Ndërsa xhaxhai ka lëndime të lehta, shkruajnë mediat italiane.
Fqinjët, në përpjekje për t’i ndihmuar, vendosën në tokë dyshekë në mënyrë që gjatë rënies të mos kishin lëndime.
Hetimet e para nga zjarrfikësit dhe policia, dyshojnë për një zjarrvënie.
