Pas Gjiktnurit në studion e Sokol Ballës i ftuar ishte përfaqësuesi i Partisë Demokratike në Këshillin Politik, Oerd Bylykbashi. Është pyetur për ndryshimet Kushtetuese dhe për ligjin aktual elektoral.
Bylykbashi tha se nuk ka draft alternativ, por sipas tij të gjithë mbështesin formulën ekzistuese konsensuale që është në fuqi. Ne,- tha Bylykbashi jemi për të qëndruar në ligjin aktual në fuqi.
U vendos tha, ai që modeli i tanishëm i Edi Ramës të hiqej. Ai tha se kundër modelit të koalicionit nuk ka asnjë rekomandim kundër të OSBE/ODIHR.
Bylykbashi shtoi se deri në 23 korrik nuk kishte çështje për koalicionin, Kushtetuta u ndryshua në 30 korrik dhe PS është ajo që duhet të jap llogari.
“Ajo që në kemi thënë është fakti se a mund të ndryshohen rregullat e lojës para zgjedhjeve. Rregullat e lojës nuk mund të ndryshohen 1 vit para zgjedhjeve. Ata kanë dalë huq me ndryshimet Kushtetuese. Drafti i tyre thoshte që ndalohet koalicioni zgjedhor. U tërhoqën duke e hequr thjeshtë për kandidatët.”, tha Bylykbashi.
Sipas tij Rama po e bën këtë vetëm për të manipuluar rezultatin.
