Oerd Bylykbashi, përfaqësues i PD-së në Këshillin Politik, tha se presim reflektim nga PS.
Ai u shpreh se Damian Gjiknuri bojkotoi mbledhjen e sotme, pasi nuk pranon që t’i drejtohen OSBE-ODIHR.
“Kemi kërkuar konsensus dhe u gjet më 30 qershor. Ndryshimet kaluan në parlament dhe për ne u plotësua detyra e këshillit. Sot PS refuzoi sërish që ti drejtohemi OSBE. Dhe përfaqësuesi i PS bojkotoi mbledhjen. Ne jemi të gatshëm të vazhdojmë që duke përfaqësuar interesat e shqiptare do të vazhdojmë këtë detyrë, presim që PS të reflektojë sa më parë”, u shpreh Bylykbashi.
Ndërkohë, përfaqësuesi i LSI, Perit Vasili theksoi më tej se qëllimi i Gjiknurit ishte bojkoti i plotë.
“Sot ne vendosëm në tavolinë draftin. Qëllimi i Gjiknurit ishte bojkotimi i plotë. Tha mund ti drejtohem unë me një pyeje ose, jo tha Gjiknuri vetëm unë mund të shkojë te OSBE pyetjet që bën opozita nuk mund të shkojnë. Gjiknuri pohoi dhe e konsideroi vetëm një këshill konsultativ. KP ka qenë një këshill vendimarrës. Sot të tmerruar nga realiteti i humbjes së zgjedhjeve thonë që këshilli është një organizëm konsultativ. E dyta Gjiknuri dhe partia e tij tha qartë para jush se partitë politike e bëjnë ligjin sipas interesit të tyre. Ne jemi vetëm për interesin më të mirë të shqiptarëve”, u shpreh ai.
Gjiknuri u shpreh se opozita duhet të vijë me propozime konkrete, duke marrë si shembull draftin e sjellë nga përfaqësuesja e opozitës parlamentare, Rudina Hajdari.
