Sa herë që kryeministri Edi Rama nuk sulmohet me pyetje nga gazetarët, ai e lëshon veten në delir. Teksa u pyet nga gazetarja e “Studio e Hapur”, Eni Vasili nëse do të ndryshojë sistemi zgjedhor nga ai me lista të mbyllura në lista të hapura, kryeministri u shpreh se nuk heq dorë nga listat e mbyllura. Sipas tij kjo e ka një shkak të fortë sepse këtë ia ka thënë një finlandez, por pa përmendur emrin e tij.
“Që kur vendosëm këtë ndryshimin e sistemit zgjedhor, unë në atë kohë takova një finalndez. Dhe ai më tha që mos e bëni me lista të hapura se do hani kokën. Mendo, ta thotë këtë një finlandez që vjen nga një vend i ftohtë dhe demokratik.”- ishte deklarata e çuditëshme e kryeministrit.
Më tej ai vijoi se listat e hapura janë një telash për administrimin zgjedhor.
“Duket si demokratike por është rrëmuja dhe kaosi më i madh brenda partive. Listat e hapura duan një… ne kemi problem me një fletë tani ti hyjmë një administrimi zgjedhor me kandidat brenda partive jashtë partive etj, etj. Për votimin elektronik është çështje ekspertësh dhe çështje testimesh. Testet dështuan.”- shprehet Rama.
Në fakt, kryeministri në të kaluarën ka treguar se ka frikë nga përballjet direkte prandaj kundërshton edhe listat e hapura. Rasti më flagrant është refuzimi për të bërë zgjedhje të lira brenda Partisë Socialiste ku të garonte përballë një kandidati tjetër.
Nga Boldnews.al
