Një 54-vjeçar në Krujë është vënë në pranga pasi akuzohet se ka ngacmuar seksualisht vajzën e tij. Burime zyrtare nga policia lokale bënë me dije se 54-vjeçari akuzohet po ashtu se ka dhunuar fizikisht e psikologjiksht të shoqen.
“Specialistët për Hetimin e Krimeve në Komisariatin e Policisë Krujë, në vijim të punës për parandalimin e përshkallëzimit të dhunës në familje, arrestuan në flagrancë shtetasin: E. S., 54 vjeç, banues në Krujë, pasi, në banesë, ka ushtruar dhunë fizike dhe psikologjike ndaj bashkëshortes së tij, si dhe ka ngacmuar seksualisht vajzën e tij të mitur”, thuhet në një njoftim të policisë.
