Elisa Spiropali, ministre e Shtetit për marrëdhëniet me Parlamentin, tha se shqiptarët operojnë shumë mirë në kohë krizash.
“Mos ua qani shumë hallin shqiptarëve, shikoni periferitë që janë ndërtuar në kohët më të vështira”, tha Spiropali, duke shtuar se “shqiptarët janë me shumë halle, ndaj dhe janë kaq shumë interesantë”.
Në emisionin “Zonë e Lirë”, analisti Arjan Curri duke replikuar me ministren e Ramës, tha se i vinte keq që ajo i shikonte me këtë sy shqiptarët.
“Nëse secili nga ne do të shikonte punën e tij, atëherë ti do ishte në shtëpi”, i tha Curri, Spiropalit, në momentin që ajo u shpreh se shqiptarëve nuk u duhet qarë halli.
Në vijim të qarjes së hallit, Spiropali tha se “s´ka pse askush të alarmohet për raportet që ka Partia Socialiste me ndërkombëtarët. Nga kjo krizë e jashtëzakonshme, e krijuar edhe nga tërmeti, ne po krijojmë një mundësi të re”.
