Një aksident me pasojë vdekjen e një 30-vjeçari ka ndodhur këtë mbrëmje në Fier. Sipas informacioneve paraprake, ngjara ka ndodhur në afërsi të një karburanti në fshatin Qenas.
Policia bën me dije se i riu ishte banues në fshatin Mbrostar, Fier, ndërsa raportohet se ai ka ndërruar jetë në vend.
Grupi hetimor ndodhet në vendngjarje për të zbardhur shkaqet dhe dinamikën e aksidentit.
Fier/ Informacion paraprak
Sot rreth orës 22:00, në fshatin Qenas, Fier, në afërsi të një karburanti, një mjet ende i pa identifikuar, ka aksidentuar shtetasin Q. M., rreth 30 vjeç, banues në fshatin Mbrostar, Fier, i cili po lëvizte me biçikletë.
30-vjeçari si pasojë e aksidentit ka ndërruar jetë.
Grupi hetimor ndodhet në vendngjarje dhe po punon për zbardhjen e plotë të saj, identifikimin dhe kapjen e autorit.
