Karlo Bolino, pronar i një grupi mediatik, ka pohuar mbrëmjen e sotme në emisionin Open se mbështet Partinë Socialiste.
“Mes Partisë Socialiste dhe opozitës së bashkuar unë mbështes PS”, tha Bolino. Ai tha se ka denoncuar kanabizimin e Shqipërisë dhe ka marrë kërcënime edhe me jetë.
“Jam dëshmitar i 30 viteve në politikën shqiptare, në opozitë janë të njëjtët njerëz që ishin në pushtet deri në 2013. Unë s´mund të mbroj z. Basha, i cili ishte në krye të qeverisjes në 21 janar 2011”, tha Bolino, i cili duket se të keqen e sheh te opozita, dhe jo te qeverisja.
Në fakt , qëndrimi i Bolinos pro Ramës apo PS është i pritshëm dhe i dukshëm, ndoshta edhe i justifikuar, po të kihen parasysh kontratat disa milionëshe, që ka përfituar dhe që i janë denoncuar publikisht edhe nga opozita.
