Aksi Elbasan-Mengël është blinduar nga forcat RENEA, të cilat po zhvillojnë një operacion të gjerë në Elbasan, pas vrasjes së Bujar Çelës, vëllait të Talo Çelës.
Nga raportimet mësohet se RENEA-s është zhvendosur nga fshatrat në kufi me Peqinin, në krahun tjetër të qytetit në fshatin Mengël.
Disa makina policie, raportohet se janë vënë në ndjekje të një automjeti që nuk ka ndaluar në një nga postoblloqet e ngritura nga uniformat blu.
Nuk ka të dhëna mbi mjetin apo personat që ndodhen në të, ndërsa në ndjekje i janë vënë efektivë të RENEA-s.
Gjithashtu RENEA ka kryer kontrolle në fshatrat Broshkë dhe Përparim.
Bujar Çela u ekzekutua mëngjesin e sotëm me katër plumba. Ai u vra jashtë një lokali ku po pinte kafen. Çela ishte person pa precedent penalë dhe punonte si taksist në të zezë, ndërsa ekzekutimi dyshohet se mund të jetë hakmarrje për aktivitetin kriminal të vëllait.
