Këshilli Politik do të zhvillojë nesër mbledhjen e rradhës, ndërsa përfaqësuesi i PS-së, Damian Gjiknuri, do të paraqesë propozimet konkrete për pragun elektoral, hapjen e listave dhe formulën e koalicioneve.
Opozita nga ana e saj ka paralajmëruar se nuk do të paraqesë propozime, por do t´i drejtohet ODIHR për ekspertizë.
Elisa Spiropali, ministre e Shtetit për Marrvdhëniet me Parlamentin, paralajmëroi se Kuvendi do të miratojë Kodin e ri Zgjedhor, ku do implementohen edhe ndrshimet Kushtetuese, brenda 30 shtatorit.
“As listat, as koalicionet nuk janë në listën e rekomandimeve. ODIHR nuk ka tagër të ndërhyjë. Nuk ka punë ODHIR këtu por ka punë kuvendi i Shqipërisë që brenda 30 shtatorit të kemi një kod të ri”, tha Spiropali.
Gjiknuri refuzoi kërkesën e Oerd Bylykbashit dhe Petrit Vasilit për të mbledhur Këshillin Politik të mërkurën, ndërsa ripërsëriti afatet që i kishte lënv opozitës që deri ditën e premte, të paraqesë sugjerimet për hapjen e listave dhe koalicionet, në të kundërt paralajmëroi se do i miratonte e vetme ndryshimet në Kodin Zgjedhor për të reflektuar ndryshimet në Kushtetutë që u bënë në fund të korrikut.
Paralelisht Kuvendi do të procedojë me përzgjedhjen e anëtarëve të KQZ së re, për të cilin u ngrit një komision i posaçëm.
Opozita e Bashkuar përmes një deklatate thekson se “në mbledhjen e fundit të Këshillit Politik nuk pati asnjë dakordësi për të zhvilluar mbledhje ditën e premte”.
“Ju gjithashtu refuzuat kërkesën tonë për mbledhje të Këshillit Politik ditën e mërkurë.
Kjo logjikë e funksionimit të njëanshem është krejt e kundërt me mënyrën e ndërtimit dhe funksionimit të Këshillit Politik, ku qoftë ditet e mbledhjeve ashtu edhe rendi i ditës janë dakordësuar konsensualisht më parë.
Megjithate duke e konsideruar këtë si nje veprim të gabuar tuajin, por që nuk do përsëritet më, konfirmojmë pjesëmarrjen tonë dhe propozojme që mbledhja të zhvillohet në orën 12.00”, thuhet në deklaratën e Bylykbashit dhe Vasilit.
