Ish-zv.ministrja e Financave në Qeverinë Rama, Irena Beqiraj, ka ironizuar gratë socialiste, ministre apo deputete, që nuk i kanë uruar mirësërardhjen koleges së tyre, Evis Kushit, e cila do mbajë postin e ministres së Arsimit.
Për Beqirajn, ky është një tregues i mbështetjes dhe dashurisë që kanë ato për njëra-tjetrën.
“Gratë e partisë, e duan edhe e mbeshtësin njëra tjetrën !
Sot vendosa të bëj një kërkim të vogël, mbi mbështetjen publike që gratë e partisë i kishin bërë koleges së tyre Evis Kushi, për detyrën e re të ministres së Arsimit.
Gjeta vetëm tre nga deputetet, të cilat kishin uruar edhe mbështetur kolegen e tyre.
Asnjë nga gratë ministre, të cilat do të jenë ne një ekip me të, nuk kishte përshëndetur ardhjen e Evisit ne skuader, Asnjë! Çfarë sinergjie, çfarë ekipi?
Vura re që gratë e partisë (të cilat kam kohe që nuk i ndjek në FB) padyshim në profilet e tyre ndanin adhurimin pa kushte për Liderin.
Prandaj kuotat e dhuruara edhe mbrojtura nga burrat ne politike bëhen të domosdoshme:
“Se ne e duam edhe e mbeshtesim shume njëra tjetrën””, përmbyll ironikisht Beqiraj.
