Një shqiptar është arrestuar në Itali, pasi u kap në një zonë të pyllëzuar duke u kujdesur për një plantacion me kanabis.
Shqiptari po ujiste bimët e kanabisit në momentin që policia e arrestoi. Plantacioni me 180 bimë kanabis pranë bregut të lumit Salinello në Komunën Tortoreto nëse do dilte në treg vlera do të shkonte në afro 200 mijë euro.
Kanabisi gati për t’u korrur u zbulua nga kontrolli me helikopter i zonës. Policia sekuestroi gjatë operacionit një gjenerator, pompën e ujit, tuba që përdoreshin për vaditjen, etj.
