Një farmaci në lagjen “30 Vjetori” u vodh mbrëmjen e djeshme në Berat. Nga raportimet mësohet se farmacia u vodh rreth orës 20:30 të së shtunës, ndërsa policia ka identifikuar autorin pasi sekuestroi kamerat e sigurisë.
Vjedhja ka ndodhur ndërkohë që farmacia ishte hapur. Autori ka vëzhguar për disa orë me radhë lëvizjet e farmacistes dhe kur ajo ka dalë për një moment jashtë ai ka hyrë brenda farmacisë, duke marrë të gjitha paratë që ndodheshin në sirtar dhe është larguar me vrap.
Farmacistja ka njoftuar policinë, që pas mbërritjes në vendngjarje ka sekuestruar edhe kamerat e sigurisë së farmacisë dhe bizneseve përreth.
Autori i dyshuar i kësaj ngjarjeje është 38-vjeçari S.K,banues në lagjen “10 Korriku”, që rezulton të jetë një person me precedentë të mëparshëm penal, i dënuar disa herë për “përdorim të lëndëve narkotike” dhe “armëmbajtje pa leje”.
