Partia Demokratike ka publikuar sot emrat e sigurimsave që drejtojnë Policinë e Shtetit. Ish/deputeti demokrat Klevis Balliu tha se gjatë qeverisjes së Edi Ramës, policia është urdhëruar të jetë më e dhunshme ndaj qytetarëve dhe të drejtat e tyre janë shkelur në mënyrë të vazhdueshme, sepse Policia e Shtetit sot drejtohet nga Sigurimi i Shtetit i diktaturës komuniste.
“Përfshirja në polici e oficerëve dhe bashkëpunëtorëve të Sigurimit të Shtetit enverist me mision shtypjen e lirisë dhe drejtave të njeriut është një akt antikushtetues dhe antiligjor.
Në asnjë Polici të vendeve të ish lindjes komuniste nuk ka ndodhur ky fenomen. Edhe në Shqipëri ndalohet me ligj që uniformën e policit ta veshë një person që i ka shërbyer Sigurimit të Shtetit. Por ndryshe, nga vendet e tjera europiane, në Shqipëri ligjin e bën Maliqi”, tha Balliu.
Sipas tij, sigurimsat që i shërbejnë pushtetit të Edi Ramës emërohen në kupolën e Policisë së Shtetit, ndërsa ligji i vettingut në polici shkelet plotësisht për të mbrojtur këta sigurimsa, siç është rasti i zëvendësdrejtorit të Përgjithshëm të Policisë Gjovalin Loka dhe siç janë përgatitur të bëjnë me disa të tjerë.
Në vijim, Balliu renditi disa nga emrat që përbëjnë kupolën e policisë dhe sipas tij janë ish-bashkëpunëtorë të sigurimit të Shtetit.
Emrat
• XHAVIT SHALA
• GANI ZENELI
• BESNIK SHEHAJ
• ARTAN SHKEMBI
• XHEVAHIR KARAJ
• NIKOLL RICA
• ILIRJAN MANDRO
• YLLI VASILI
• MEHDI ÇANGA
• KASTRIOT SKENDERAJ
• KRENAR MUÇO
• ARJAN FERI
• ANDON MARKO
• SADRI RAMÇAJ
• AGIM HOXHA
• BEDRI HASANAJ
• BILAL SEMANAJ
• MYSERET HASANBELLI
• ZIJA SULAJ
