Gjykata e Tiranës ka vendosur arrest me burg për Arjan Rapi dhe Ethem Murataj, autorë të vjedhjes së kasafortave, si dhe detyrim paraqitje për dy bashkëpunëtorët Dorian Basha dhe Smajl Shkemza.
Prokurori tha në seancën me dyer të mbyllura se ata vodhën shtëpinë e E. A. në Tiranë, nga ku morën në kasafortë me 9.600 euro. Ndërkohë, mësohet se E. A ka kryer hetime personale paralelisht me organet e policisë.
Arjan Rrapi 45 vjeç banues në Durrës dhe organizator i vjedhjeve që bënte grupi u arrestua vatëm dy ditë më pare. Ky person është i dënuar më parë për “prodhim dhe trafik lëndësh narkotike”. Ndërkohë 33-vjeçarja pjesë e grupit, është arrestuar mbrëmjen e djeshme në tentativën të largohej drejt Maqedonisë.
Bizhutë dhe sendet me vlerë që vidheshin nga “grupi i kasafortave” fillimisht depozitoheshin në Durrës dhe më pas dërgoheshin jashtë Shqipërisë nga 33-vjeçarja.
Policia gjithashtu është në kërkim të aparaturës që përdorte grupi kur hapte kasafortat.
