Ndërsa autoritetet shëndetësore po kërkojnë me forcë ruajtjen e distancimit social nga qytetarët për të shmangur infektimin komunitar nga Covid-19, duket se kjo është e pamundur në urbanët e kryeqytetit.
Kjo ishte situata mëngjesin e sotëm në një prej këtyre urbanëve. Siç mund ta shikoni asgjë nuk ka ndryshuar, udhëtarët janë ngjitur me njëri-tjetrin. I vetmi ndryshim është maska mbrojtëse që mbajnë.
Ndërsa sapo i afrohesh qendrës së Tiranës, policia bashkiake kujtohet se duhet të ushtrojë kontrolle, raporton Oranews.
Qytetarët ankohen dhe për vonesat e autobuzëve, madje dhe qëndrimin nëpër stacione me minuta të gjata.
Kjo situatë është e njëjtë pothuajse në të gjitha linjat urbane ku mosrespektimi i orareve është një fenomen ku udhëtarët ndeshen cdo ditë.
Apeli i qytetarëve shkon për shtim të masave dhe penalitete ndaj gjithë atyre që nuk rrespektojnë masat anti covid.
