Familjarët e pacientëve të prekur më Covid-19, vijojnë që të qëndrojnë para spitalit “Infektiv” për të marrë një përgjigje për shëndetin e personave të tyre të afërt.
Në një interviste për “Fax News”, një nga qytetarët i cili ka të shtruar në spital babanë e tij, tha se ka blerë ilaçe pasi mungonin në spital.
“Solla babain në gjendje të rëndë. Babai im është një gjendje të rëndë dhe ka 10 ditë. Kam shpresën se ai do ta fitojë betejën me Covid-19. Doktorët dhe mjekësia duhet të jetë humane dhe jo komerciale. E kam dëgjuar, por nuk e di sa e vërtetë është, mendoj se spitali është human. Covid-19 nuk shërohet në shtëpi. Është përhapur në atë mënyrë se nuk mund ta besoj. Të mbajnë maskë dhe të izolohen. Unë shoh që në ambulance katastrofe sepse aty hyjnë aq shumë njerëz me Covdi-19 dhe aty rrezikon që të infektohesh. Të vendose ambulance të mira për banorët në Fushë-Krujë. Nuk janë për ambulancë ato, ka ikur koha. Kam blerë ilaçe, ndërkohë që nuk ka as oksigjen në spital. Kam kërkuar që të gjej aparat oksigjeni por nuk ka gjetur. Presim me orë të tëra për të dërguar veshjet”, tha qytetari.
