Partizani ka ndryshuar stemën duke e bërë plotësisht të kuqe me të bardhë. Ngjyra e verdhë që ishte më parë s’është më.
Kjo ka ngjallur reagim te tifozët, por edhe te gazetarët e ndryshëm. Së fundmi, gazetari i njohur, Artan Hoxha, ka ironizuar në rrjetet sociale drejtuesit e klubit.
Ai i tregon atyre që edhe një kompani e vogël biznesi e mendon gjatë kur ndërron logon, e jo më Partizani, klub me histori shumë vjeçare në kampionatin shqiptar. Në fund e mbyll aty ku të kuqve u “djeg” më shumë, te Tirana.
Postimi i Artan Hoxhës:
Kur nuk ke me çfare te merresh, ndryshon stemën e klubit!!!
Ose me sakte, pasi ke bere lëmsh çdo gje, shkon e ben lemsh te vetmen gje, qe kishte mbetur pa prekur…
Si fillim une nuk jam tifoz i Partizanit, por kjo nuk me pengon te jem dashamires i nje klubi qe eshte brand kombetar.
Stema e nje klubi eshte simboli kryesor qe e identifikon ate mes mijera simboleve te tjera, eshte identikiti i klubit, eshte flamuri i tifozeve te tij.
Nisur nga ky fakt, minimalisht drejtuesit e ketij klubi te madh shqiptar, kane detyrimin te komunikojne me tifozet e tyre, ti pyesin, t’u marrin mendim dhe miratim, madje te bejne dhe referendum per te ndryshuar stemen e klubit…
KF Partizani, eshte nje klub sportiv me histori 74 vjeçare, me tifoz ne gjithe territorin e Shqiperise dhe jashte saj, kudo ku ka shqiptare.
Edhe nje punishte qe prodhon liko ne Permet, mendohet mire kur ndryshon etiketen e kavanozit, e jo me te ndryshosh me nje te rene te lapsit brand-in e nje skuadre me histori treçerekshekullore…
Nje klubi te madh si Partizani, nuk i shtohet lavdia duke i ndryshuar stemen, por duke i shtuar trofete e fituara ne vitrinen e tij…
Ndoshta parrullat e rivaleve te Tiranes ne derbi, se Partizani eshte skuader “komuniste”, i kane kompleksuar drejtuesit e tij, qe duan ta bejne Partizanin te duket me “demokrat”, duke i ndryshuar ngjyren e yllit ne Stemen e klubit, nga te kuqe, ne te bardhe…
