Kreu i Kuvendit, Gramoz Ruçi, kërkoi sot gjatë mbledhjes së Konferencës së Kryetarëve, ngritjen e Komisionit të Posaçëm që do të zgjedhë 12 anëtarët e rinj të KQZ-së.
Kërkesa e Ruçit vlen edhe për Partinë Demokratike, për të sjellë anëtarin e saj në Kuvend.
Në letër thuhet se afati i fundit për propozim për anëtar është në datën 9 shtator.
“I nderuar zoti Kryetar, Bazuar nënenin 17 pika 3 të ligjit nr.101/2020 “Për disa shtesa dhe ndryshime ne ligjin nr. 10019, datë 29.12.2008 “Kodi Zgjedhor i Republikës së Shqipërisë” i ndryshuar”, Kuvendi ka detyrimin për të ngritur komision të posaҫëm parlamentar, me përfaqësim propocional nga çdo grup parlamentar, për shqyrtimin dhe përzgjedhjen e kanditaturave të paraqitura për vendin e Komisionerit, anëtarëve të Rregullatorit dhe të KAS-it.
Ju bëj me dije se propozimin tuaj për anëtar në komisionin e posaҫëm duhet ta paraqitni pranë Kuvendit brenda datës 09.09.2020″, shkruhet në letër”, thuhet në letër.
Kuvendi ka shpallur garën për 12 pozicionet e reja në trupën e re të Komisionit Qendror të Zgjedhjeve. Propozimet për anëtar në Komisionin e Posaҫëm duhet të paraqiten pranë Kuvendit brenda datës 09.09.2020.
