Dy shqiptarë janë arrestuar nga policia italiane në Arrezzo me dyshimin e shpërndarjes së lëndëve narkotike. Emrat e të arrestuarve nuk janë bërë publik nga mediat italiane, të cilat raportojnë se shqiptarët ishin nën hetim prej disa muajsh.
Ata dyshohet se shpërndanin kryesisht, në hapësirat publike, atje ku takonin edhe klientët, lëndën narkotike.
Një prej të arrestuarve është 35 vjeç me precedentë penalë, dhe pasi kontaktohej përmes telefonit nga klientët, shpërndante lëndën narkotike me biçikletë, në zonat pranë qendrave tregtare dhe parkingje, ku më parë kishte lënë takimet.
I arrestuari i dytë është 34 vjeç, edhe ky me precedentë penalë, i cili vepronte në zonat e Ceciliano dhe Via Romana.
Skema në të dy rastet ishte e njëjtë: kontakti përmes telefonit,lënia e takimeve dhe më pas shpërndarja e lëndës narkotike.
Policia nisi hetimet pas denoncimeve të qytetarëve lidhur me veprimtarinë e dy të arrestuarve, që kryesisht tregtonin kokainë dhe marjuhuanë në hapësirat publike të qytetit.
Karabinierët, me shërbimet e shumta të vëzhgimit dhe ndjekjen e kryer për gati tre muaj, arritën të identifikojnë disa duzina blerësish dhe të rindërtojnë një rrjet prej mbi dhjetë mijë kontakte nga një klientelë, e përbërë kryesisht nga punëdhënës të rinj vendas.
Shumë prej tyre kanë blerë rregullisht vitet e fundit (madje disa duke filluar nga 2005), dy ose tre herë në javë, duke arritur perfeksionin e fituar për qindra doza.
Dhjetë euro për gram për marihuanën dhe 70-80 euro atë të kokainës, por edhe pagesa të një natyre tjetër, siç ishte rasti i një vajze të re të varur nga droga, e cila i tha policisë se nuk kishte paguar asnjëherë për doza pasi i kishte ofruar shërbimet seksuale në raste të ndryshme, madje edhe në rrugë.
Të dy shqiptarët ndodhen në burg, në pritje të gjykimit.
