Një ditë më parë La Liga doli me një deklaratë ku theksohej se Lionel Messi nuk mund të largohej nga Barcelona në rast se nuk do të shlyhej klauzola e largimit prej 700 milionë eurosh.
Sipas La Ligës kjo klauzolë e frikshme është në fuqi deri në qershorin e ardhshëm dhe për këtë arsye largimi i Messit është i pamundur.
Ndaj kësaj deklarate ka reaguar Jorge Messi, babai dhe njëkohësisht agjenti i futbollistit argjentinas. Sipas tij kjo klauzolë nuk vlen më dhe se Messi ndihet i lirë të largohet nga Barcelona me parametra zero.
Jorge, në letrën që i dërgon La Liga-s, thekson se klauzola ka skaduar me përfundimin e sezonit 2019-2020nuk vlen në fund të këtij sezoni.
“D. Jorge Horacio Messi, si përfaqësues i futbollistit profesionist, Lionel Andrés Messi, në përgjigje të deklaratës së botuar më 30 gusht 2020 nga Liga Kombëtare e Futbollit Profesional në Spanjë, në lidhje me situatën kontraktuale të lojtarit, pavarësisht nga anësia e saj e dukshme për rolin që përfaqëson një institucion i tillë në mbrojtje të interesave të bashkëpunëtorëve të vet (klubet e futbollit), duhet të deklarojë se:
- Ne nuk e dimë se cila kontratë është ajo që ata kanë analizuar dhe cilat janë bazat, në bazë të cilave konkludojnë se ekziston një “klauzolë përfundimi” e zbatueshme, në rast se lojtari vendos të kërkojë përfundimin e njëanshëm të së njëjtës (kontratë), me efekt nga fundi i sezonit sportiv 2019-2020.
- Kjo është për shkak të një gabimi të dukshëm nga ana juaj. Kështu, siç thuhet fjalë për fjalë në pikën 8.2.3.6 të kontratës së nënshkruar midis klubit dhe lojtarit, “ky kompensim nuk do të zbatohet, kur përfundimi i kontratës me vendim të njëanshëm të lojtarit hyn në fuqi nga fundi i sezonit sportiv 2019-2020”. Pa paragjykuar të drejtat e tjera që përfshihen në kontratë dhe që ju i hiqni, është e qartë se dëmshpërblimi prej 700 milionë eurosh, i parashikuar në klauzolën e mëparshme 8.2.3.5, nuk zbatohet aspak”.
This is the letter that Jorge Messi just sent to LaLiga in which denies LaLiga interpretation that the €700m buyout clause is still applicable. Jorge insists it is not applicable from the end of last season if the player decides unilaterally to leave FCB.
That's all for now pic.twitter.com/l9AyGap8fh
— Guillem Balague (@GuillemBalague) September 4, 2020
