Trashëgimtarja e famshme, Paris Hilton po përflitet për abuzimet e shumta ndaj saj që kanë nisur që në adoleshencë.
Së fundmi Paris Hilton është shprehur në revistën ‘People’ për gjithë peripecirat që ka kaluar në 5 nga marrëdhëniet e saj të dashurisë.
Trashëgimtarja vendosi të shprehej edhe për lidhjet e saj abuzive fill pasi tha ditë më parë se kishte qenë e abuzuar edhe në konviktin e shkollës së saj, Provo Canyon School në vitin 1990.
“Nga momenti kur u zgjova derisa shkova në shtrat, ajo (punonjësja e koviktit) ishte gjithë ditën duke bërtitur në fytyrën time, duke bërtitur kundër meje, tortura të vazhdueshme.
Stafi na thoshte gjëra të tmerrshme. Ata vazhdimisht më bënin të ndjehesha keq me veten dhe më ngacmonin. Ata ishin abuzivë fizikisht, duke na goditur dhe mbytur”, shprehet 39 vjeçarja duke treguar se gjithë ajo përvojë e frishkme në konviktin e shkollës së saj, ka ndikuar shumë në rritjen e saj më vonë pasi e ka ndjerë abuzimin edhe pasi u rrit.
“Kam kaluar marrëdhënie të shumta abuzive.Unë u mbyta, u godita, u kapa në mënyrë agresive. Unë durova gjëra që askush nuk duhet t’i bënte.
Ata të gjithë dukeshin si njerëz kaq të mirë dhe më pas do të shfaqnin fytyrat e vërteta. Ata nisnin të bëheshin xhelozë, ose përpiqeshin të më kontrollonin. Dhe më pas vinte një pikë ku ata do bëheshin abuzivë fizikisht, verbalisht dhe emocionalisht”, shprehet kaq sinqerisht Hilton.
“Unë nuk e kuptoja dot se çfarë ishte dashuria ose marrëdhëniet”, shtoi ajo. “Mendoja se ata duke u çmendur kaq shumë ndoshta më dashuronin. Duke kthyer kokën pas, nuk mund të besoj si munda t’i lë njerëzit të më trajtonin në atë mënyrë”, thotë ajo dhe tregon sesa keq ka ndikuar e shkuara në karakterin e saj. Paris Hillton tegon kështu se përmes abuzimesh të tilla ti nuk mund ta kuptosh kurrsesi nëse je duke jetuar një romancë apo një horror.
Një deklaratë e tillë të bën të kuptosh sesi abuzimi nuk zgjedh sa pushtet monetar ti mund të kesh.
