Xhami i jashtëm i lokalit “San Marko” në qytetin e Durrësit është thyer gjatë natës. Policia bën me dije se ka qenë një tentativë vjedhje, ndërkohë që autori i dyshuar është vënë në pranga.
“Kapet në flagrancë një shtetas, pasi tentoi të vidhte në një lokal në lagjen nr. 4, Durrës. Nga shërbimet e Policisë Durrës u ndalua shtetasi i mitur H.L., 15 vjeç, pasi tentoi të vidhte gjatë natës në një lokal në pronësi të shtetases N.Sh., në lagjen nr. 4, Durrës. Materialet do i kalojnë Prokurorisë së Rrethit Durrës, për veprime të mëtejshme”, njoftoi policia.
