Edhe ky muaj u mbyll sërish me shifra të larta të infektimeve dhe viktimave të shkaktuara nga koronavirusi.
Në total në vendin tonë janë shënuar 284 viktima, ku rreth gjysma prej tyre janë në Tiranë. Kryeqyteti mban vendin e parë, më i prekuri nga koronavirusi në vend.
Aktualisht rastet aktive i kalojnë 2 mijë. Në Shqipëri, janë 4015 raste aktive, dhe shpërndarja gjeografike është kjo:
Tiranë 2092
Durrës 530
Shkodër 284
Lezhë 199
Korçë 178
Elbasan 159
Fier 144
Kukës 131
Vlorë 126
Berat 83
Dibër 52
Gjirokastër 37
Aktualisht në spitalin Infektiv dhe “Shefqet Ndroqi” po trajtohen 180 pacientë të konfirmuar pozitivë me COVID-19, 17 në terapi intensive nga të cilët vetëm 6 pacientë janë të intubuar. Në dy spitalet COVID janë gjithashtu duke marrë shërbim të specializuar 45 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.
